Целта на Обединетите нации за постигнување одржлив развој е и родова рамноправност, јакнење на жените и поттикнување на нивното учество во економијата, стандардизацијата и женското претприемништво.
Примена на стандарди од женското претприемништво и работа може да допринесе во остварување подобри резултати на компании во кои доминантна улога имаат жените.
Новиот MK IWA 34:2022 воспоставува збир на заеднички дефиниции поврзани со женското претприемништво, како што се оние за бизниси во сопственост на жени и бизниси предводени од жени. Овој документ, исто така, ги дефинира здруженијата предводени од жени и неформалните претпријатија предводени од жените.
Овие дефиниции може да се користат, на пример, во програмите за економско зајакнување на жените (како што се програмите за јавни набавки и трговија) и за собирање на меѓународно споредливи податоци за женското претприемништво (вклучувајќи го и влијанието врз локалните и националните економии).
Овој документ, исто така, дава критериуми за проценка на важни фактори поврзани со овие дефиниции, како што се сопственост, управување и контрола но и како да се постапува со распределување со инвестиции