Права и обврски на членките на ИСРСМ

Членката на Институтот има право да:

• учествуваат на седниците на Собранието на Институтот и гласаат во согласност со Деловникот за работа на собранието на Институтот;
• учествуваат во работата на управните, советодавните и техничките тела на Институтот;
• иницираат извршување и реализација на задачите на Институтот;
• учествуваат во изборот на членови на Советот на Институтот;
• имаат можност да бидат избрани за членови на Советот на Институтот;
• бидат постојано информирани за сите тековни активности на Институтот;
• попуст за купување на македонски стандарди;
• попуст за одредени услуги обезбедени од страна на Институтот;
• попуст за надоместоците (котизација) за учество на семинари и обуки кои се во организација на Институтот.

Членката има обврска да:

• ги почитува Законот за стандардизација, Статутот, одлуките и внатрешните акти што ги донеле органите на Институтот;
• ја плаќа редовно годишната членарина;
• ги стави на располагање сите информации кои се потребни за работа на Институтот.

Висината на членарината ја определува Советот на ИСРСМ врз основа на следните критериуми:

• за правните лица - во зависност од природата на дејноста, годишниот бруто/нето приход и бројот на вработени во правното лице;
• за физички лица - во процент од просечната бруто плата во Република Северна Македонија.

Членарината се плаќа еднаш годишно, најдоцна до 30 мај во тековната година за тековната година.