World Halal Summit 2022 и 9-та изложба на OIC Halal Expo 24-26 ноември Истанбул, оваа година на тема „За одржлива трговија: Истражете го развојот на глобалната халал индустрија со сите нејзини аспекти“
OIC Halal Expo истовремено со Светскиот самит Халал обезбедува единствена можност за размена на експертиза и искуство помеѓу учесниците, истражувачи и експерти во сите области поврзани со дефиницијата за Халал (на пр. Халал храна и пијалоци, халал козметика и лична нега, халал туризам и сместување, исламско банкарство и финансии, текстил и скромна мода, итн.)
Директорот на ИСРСМ Џеват Кицара се сретна со Махмут Сами Шахин, претседател на Турскиот институт за стандардизација TSE и Ихсан Овут, генерален секретар на Институтот за стандарди и метрологија за исламските земји (SMIIC), кој на отворањето на саемот го истакна силниот фокус на квалитетот на пазарот на халал производи и напомена дека стандардите се заедничкиот јазик на кој работиме за да си го олесниме животот.
Директорот на ИСРСМ на саемот имаше голем број на дискусии и билатерални средби со челници од институциите и агенциите, акредитациони тела, државни и приватни институции вклучени во Халал во своите земји.
Самото учество на овој саем и напорите на нашиот Иинститут за стандардизација е исламската усогласеност Халал да се втемели во нашиот Технички Комитет за храна и идна соработка со SMIIC во чекорите за усвојување и имплементирање на Халал во РСМ
Речиси 500 излагачи од 40 земји учествуваат во четиридневниот саем на кој ќе бидат прикажани различни производи и услуги во согласност со халал кој во 47 земји во светот е вклучен во нивните технички комитети за храна.
Самитот е организиран да понуди обемна програма со инспиративни клучни обраќања и интерактивни панел сесии со пионери од секторот Халал и други засегнати страни, кои ќе ги опфатат главните предизвици и можности во индустријата за Халал, како и научни презентации и семинари. Овој широк опсег на формати за дискусија обезбедува меѓународна платформа за експертите за Халал да разменат идеи и да го споделат своето непроценливо искуство. За време на програмата на самитот ќе се разговара за актуелните трендови во секторот Халал, а ќе бидат идентификувани новите насоки на пазарот на Халал од страна на компетентни креатори на политики и професионалци во областа.
Претходното издание на Светскиот самит Халал беше домаќин на 67 говорници од 16 различни земји. Говорниците ги презентираа своите оригинални дела во рамките на 10 различни сесии. На Самитот имаше голем интерес од 31.067 посетители од 96 земји од целиот свет.
