Bordet Teknike të CEN dhe CENELEC (BT)

Një nga organet korporative që mbështet arritjen e qëllimit të organizatave evropiane të standardizimit CEN dhe CENELEC janë Bordet e tyre Teknike (BT). 

Bordi Teknik i CEN dhe CENELEC (BT) janë përgjegjës për kontrollin e programit të standardeve dhe promovimin e ekzekutimit të tij të shpejtë nga Qendra e Menaxhimit CEN-CENELEC (CCMC), Komitetet Teknike (TC) dhe organe të tjera. BT përbëhet nga Presidenti dhe/ose Zëvendës Presidenti(ët) dhe një anëtar/delegat i përhershëm nga çdo organ kombëtar anëtar i CEN/CENELEC, të cilët vendosin kontaktet e nevojshme në nivel kombëtar për të qenë në gjendje të përfaqësojnë anëtarin në mënyrë efektive. Takimet e BT-së drejtohen nga Presidenti ose një Zëvendës President. Sekretariati i BT mbahet nga CCMC. Funksionet e Bordit Teknik, të cilat mund të kryhen ose në një mbledhje ose me korrespondencë, përfshijnë ndër të tjera: 

• Vendimi për të gjitha çështjet që kanë të bëjnë me organizimin, procedurat e punës, koordinimin dhe planifikimin e punës standarde;
• Monitorimi dhe kontrolli i ecurisë së punës së standardeve në bashkëpunim të ngushtë me CCMC dhe, veçanërisht, në konsultim me Kryetarin dhe Sekretarin e KT-së,
• Mbajtja në shqyrtim e titullit, fushëveprimit dhe programit të punës së çdo KT, në mënyrë që të sigurohet koordinimi sa më i madh dhe shmangia e mbivendosjeve dhe për të parë që çdo KT është e angazhuar në një numër të kufizuar projektesh praktike;
• Ekzaminimi i propozimeve për projekte të reja (NWIP);
• Ngritja dhe shpërbërja e KT, caktimi i sekretariateve të tyre dhe emërimi i kryetarit të tyre;
• Vendosja ose lirimi i detyrimeve të pezullimit dhe trajtimi i kërkesave të anëtarëve për të publikuar ndërkohë standardet kombëtare përkatëse;
• Organizimi i ndërlidhjes teknike me organizatat ndërqeveritare, organizatat ndërkombëtare dhe organizatat tregtare, profesionale, teknike dhe shkencore evropiane;
• Shqyrtimi dhe vendosja mbi ankesat;
• Ndërmarrja e detyrave të tjera në lidhje me punën e standardeve që mund të kërkohet në mënyrë specifike nga Asambleja e Përgjithshme ose nga Bordi Administrativ në emër të saj.

BT mund të delegojë disa nga funksionet e saj tek nëngrupet ose organet teknike përkatëse, nën autoritetin dhe mbikëqyrjen e saj të plotë. Përfaqësuesit e Komisionit Evropian dhe Sekretariatit të EFTA-s, organizata të tjera që i nënshtrohen marrëveshjeve kontraktuale ftohen të marrin pjesë në takimet e BT-së si vëzhgues. Në raste të veçanta, Kryesuesi mund të ftojë gjithashtu ekspertë që të marrin pjesë në diskutimet e BT. 

Përfaqësuesit kombëtarë nga ISRSM në CEN/CENELEC/BT janë: 

Goran Pletvarski, Udhëheqës i njësisë për standardizim të përgjithshëm, që vepron si anëtar në CEN/BT (pletvarski.goran@isrsm.gov.mk) dhe 

Liljana Haxhievska-Antovska, udhëheqëse e njësisë për standardizim elektroteknik, e cila vepron si delegate e përhershme në CENELEC/BT (hadzievska.liljana@isrsm.gov.mk). 

Të gjitha pyetjet tuaja në lidhje me aktivitetet e CEN/CENELEC/BT-ve ju mund t'i drejtoni përfaqësuesve tanë kombëtarë të BT-së.